ጳጳሳዊ ግምጃ ቤት ነቲ ናብ ዩክረይን ዚለኣኽ ዘሎ ምግብን መድሃኒትን ብሓላፍነት ይከታተል

ኣባ ተወልደ መብራህቱ - ሃገረ ቫቲካን

ኣብዚ ክረምቲ እውን ከይተረፈ እቲ ርእሰ ሊቃነ ጳጳሳት ዝገብርዎ ናይ ግብረ - ሰናይ ጻዕርታት ናብታ ንነዊሕ እዋን "በጃ ትኸውን ዘላ" ክብሉ ዝጸውዕዋ ዩክረይን ይቕጽል ኣሎ ።

ልክዕ ከምተን ኣቐዲመን ዝነበራ ኣዋርሕ ዓበይቲ ማካይን ትማሊ ረቡዕ ዕለት 7 ነሓሰ ካብቲ ኣብ ሮማ ዝርከብ ባዚሊካ ቅድስቲ ጥበብ ዩክረይን ክብገሳ ተዳልየን ኣለዋ።

ነቶም ብጭንቀት እተዋሕቱ ህዝቢ ምብራቕ ኣውሮጳ ከም ምግብን ክዳንን መድሃኒትን ዝኣመሰለ ኣድላዪ ነገራት ድማ ተጻዒነን ኣለዋ። እቲ ጽዕነት ሳጹናት ቱና-ዓሳን ካልእ ምግብን ዝሓዘ እዩ።

እኦም ናይ ርእሰ ሊቃነ ጳጳሳት ግምጃ ቤት ኣመሓዳሪ ኮይኖም ዘገልግሉ ዝለዉ ዋና ጸሓፊ ብፁዕ ካርዲናል ኮንራድ ክራየቭስኪ ነቲ ኻብ ርእሰ ሊቃነ ጳጳሳት እተላእከ ህያባት ናብ ዩክረይን ንምልኣኽን ንምዕዳልን ብሓላፍነት ይከታተልዎ ኣለዉ።

እዚ ሓድሽ ናይ ግብረ - ሰናይ ተግባር እዚ ነቲ ርእሰ ሊቃነ ጳጳሳት ምስታ ሃገር ዘለዎም ቅርበት ዘረጋግጽ ኢዩ፣ ትማሊ ረቡዕ ኣብ መወዳእታ ናይ ዕለተ ረቡዕ ሓፈሻዊ ኣስተምህሮ ትምህርተ ክርስቶስ ውን ኵሎም ምእመናን ምእንቲ እዛ ሃገር ጸሎትን ደገፍን ከወፍዩ ሓቲቶም ኣለዉ ።