ሱባኤ ኩርያ ሮማና ፦ ብዛዕባ መወዳእታ ፍርዲ

ብኣባ ሮበርቶ ፓዞሊኒ - ሰባኬ ቤተ ጳጳስ

እቲ ኣብ ወንጌል ማቴዎስ እተዘንተወ ኣብቲ ሚካኤልኣንጀሎ ዝቐብኦ ኣይቆና ተገሊጹ እንረኽቦ ናይ ምሳሊያዊ ዛንታ ናይ መወዳእታ ፍርዲ መብዛሕትኡ ግዜ ናብ ፍቕርን ግብረ - ሰናይ ከም ዝጽውዓና ዕድመ ኢዩ ዝትርጐም ።

ይኹን እምበር ተጠንቂቕና ምስ እንምርምሮ ሓደ ዘገርም ሓሳብ ኢዩ ዘመልክተልና - እዚ ብልማዳዊ መገዲ ዝግበር ፍርዲ ዘይኰነስ ነቲ ብነፍሲ ወከፍ ሰብ ዝተነብረ ብህይወት ከም ዝገልጽ ኣዋጅ ኢዩ።

ናብ መንግስቲ ኣምላኽ ክንኣቱ ዝቐርበልና መለክዒ ሃይማኖታዊ ሚዛን ዘይኰነስ ነቶም ብኣረኣእያ ወንጌል ንደቀ መዛሙርቲ ክርስቶስ ዝውክሉ ንሒደት ኣሕዋትናን ኣሓትናን ዘሎና ጭቡጥ ፍቕሪ ዘንጸባርቕ ኢዩ።

ቀንዲ ሓላፍነት ክርስትያና ሰናይ ምግባር ጥራይ ዘይኰነስ ካልኦት ከምኡ ኺገብሩ ምስልጣን እዩ ።

እዚ ኸኣ እቲ ኣብ መንጎኦም ዝገርዎ ሰናይ ብባህርያውን መጠኑ ዝሓለፈ ቘላሕታ ዘይብሉን ምዃኑ ዝሕብር ኢዩ ።

ብተወሳኺ፡ እቲ ምሳሌ ነቲ ሓባራዊ ርድኢት ፍርዲ ይቕይሮ፡ ጻድቃንን እኩያትን በቲ ቃላት ናይቲ ንጉስ ከም ዝግረሙ ይነግረና፡ እዚ ድማ እቲ ኣብ መንጎኦም ዝተገብረ ሰናይ ንኹሉ ብባህሪያዊ ኣገባብን ብዘይ ዝኾነ ልዕሊ ዓቐኑ ዝሓለፈ ቆላሕታን ኣተኵሮን ከም ዝተፈጸመ ኢዩ ዘልክት።

እዚ ዘመልክቶ ናብ ዘልዓለማዊ ህይወት ንምእታዉ ኣብ ሞራላዊ ኣነባብራ ዘይኮነስ ብዘይ ዝኾነ ቀመር ብፍቕሪ ኣብ ናይ ምንባር ክእለት ከም ዝምርኮስ ምዃኑ እዩ።

መዝገበ ሃይማኖት ከም ዝገለጾ ኣብ መወዳእታ ዓለም መንግስቲ ኣምላኽ ንደቂ ሰብን ንኣድማስን ናብ "ሓድሽ ሰማያትን ሓድሽ ምድርን" ብምቕያር ምሉእ ብምሉእ ክትግለጽ እያ። (CCC 1042-1044)።

እዚ ተስፋ እዚ ኣብቲ ክርስቶስ ቃል ዝኣተወልና እተመስረተ ዀይኑ ሕጂ እውን ከይተረፈ በዚ ኣረኣእያ እዚ ኽንነብር ኢና እተጸዋዕና፣ እዚ ኸኣ ብጭንቀት ዘይኰነስ ኣምላኽ ባዕሉ ንደቂ ሰብ ብመሰረት እቲ ኻብ መጀመርታ ኣትሒዙ ዝነበረ መደብ ፍቕሪ ናባኡ ናብ ምስሉን ከም ዚቕይሮም ብምትእምማን እዩ።

ኢየሱስ ንዘለኣለማዊ ህይወት ከም ናይ መጻኢ ኩነት ዘይኰነስ ነቶም ቃሉ ዝሰምዑን ኣብ ኣቦ ዝኣምኑን ሰባት ብከጋትሞም ዝኽእሉ ዅነታት ገይሩ ኢዩ ኣዊጁሎም (ዮሃንስ 5፡24)። በዚ ከምዚ እምበራ ወንጌል ዘለኣለማዊ ህይወት ድሮ ኸም ዝጀመረ ኢዩ ዝሕብረና፣ ኣብ ኣነባብራናን ፍቕርናን ይንጸባረቕ ነቲ ኣምላኽ ዝዓዮ ዘሎ ህላወ ድማ ይገልጸልና።

እቲ ናይ መወዳእታ ፍርዲ ኣምላኽ ከምቶም ድሮ ኣብ ዘለኣለማውነት ዝጠሃሉ ደቁ መጠን ምሉእ ብምሉእ ካብ ምልላይ ሓሊፉ ኣባና ትጽቢት ከም ዝገብረልና ምፍላጥና ናይ ሓቂ ዘገርም ኢዩ።