ኣብ ሱዳን ሰላማዊ ሕዝቢ ዘስካሕክሕ ዓመጽ ይወርዶ ኣሎ

ኣባ ተወልደ መብራህቱ - ሃገረ ቫቲካን

ብመሰረት እቲ ንነዊሕ እዋን ዚገዝእ ዝነበረ ኦማር ኣል-ባሂር ብ2019 ካብ ስልጣኑ ምስ ተባረተ ናጻ ምርጫ ንምግባር እተገብረ ናይ መሰጋገሪ መደብ እቲ ኣብ መንጎ ኽልተ ወተሃደራት ሱዳን እተላዕለ ፖለቲካዊ ግጭት "ኣብ ዓለም እቲ ዝዓበየ ውሽጣዊ ቕልውላው" ተባሂሉ ዚፍለጥ ኩነታት ኣስዒቡ ይርከብ ኣሎ።

ሕርሻታት ስለዝባደሙን ባንክታት እታ ሃገር ስለ እተዘምቱን ከተማታት ውን ብምዕናዎም ጥሜት ጋህዲ ዀይኑ ኣሎ፣ ብዙሓት ንጹሓት ዜጋታት እታ ሃገር እንተላይ ሕጻናት ብጥሜት ንጸንቱ ኣለዉ፣ ጻዕርታት ረድኤትን ሕይወት ኣድሕንን በቲ ገጽ ዘይብሉ ብውግእ ተዓጊቱ ኢዩ ዘሎ ።

ዜስካሕክሕ መጠን ዓመጻ

ትማሊ ሰኑይ እቲ ዶብ ኣልቦ ማሕበር ሓኻይም ዝበሃል ጕጅለ ረድኤትን ግብረ ሰናይን ነቶም  ተዋጋእቲ ሰልፊ ማለት ነቶም ወተሃደራት ሱዳንን - ሓይልታት ሓይልታት ዕጡቕ ሰራዊት ፓራኮማንዶን  ንሰብኣዊ ህይወትን ኣህጉራዊ ሕግታትን "ብርቱዕ ንዕቀት " ከም ዘርኣዩ ገይሩ ዝኸሰሶም ጸብጻባት ማለት ሰላማውያን ዜጋታት ሱዳን ካብቲ ኣብ ሚያዝያ 2023 ውግእ ዝጀመረሉ ግዜ ኣትሒዞም ዝወርዶም ዘሎ ዘስካሕክሕ ዓመጽ ብዝርዝር ኣቕሪቡ ይርከብ ኣሎ ።

ጕጅለታት ረድኤትን ሕይወት ኣድሕንን ኣብቲ ብደብዳባት ቦምብታት እተጠቕዐ ቦታታትን ኣባይትን ኣድላዪ ቝጠባዊ መዋቕርን እተጐድኡ ብኣሽሓት ዝቝጸሩ ብሰንኪ እቲ ውግእ ዝወርዶም ዘሎ ብኣካላውን ኣእምሮኣውን በሰላ ዓመጻን ከምኡ ውን ብሰንኪ ምዕናዊ ስርዓትን ትሕተ ቕርጽን ጥዕናን ኣህጉራዊ ግብረ - ሰናይ ምላሽ ብዘይምሃቡን ከም እተጋደደ ገለጸ ።

ኣብ መላእ ሱዳን ሕጽረት ሕክምናዊ ዕንቅፋታትን ዘረፋን ኣምጽን ኣብ ልዕሊ ሕሙማትን ሰራሕተኛታት ሕክምናን ዝወርድ ሻቕሎትን መጥቃዕትን ከምኡ ውን ኣብ መሰረታዊ ኽንክን ጥዕና ዝወረደ ጕድኣት ሰባት ህይወት ዘድሕን ክንክን ክረኽቡ ከም ዘይከኣሉ ገሊጹ ።

ካብቲ ሰፊሕ ሸፈነ ዝገብረ ግጭት ኣስታት 15 ወርሒ ኣቑጺሩ ዘሎ፣ ኣቐዲሙ እቶም ብህይወት ዝተረፉ ሰባት ብዛዕባ እቲ ኣብ ኵሉ ኣስፋሕፊሑ ዘሎ ጾታዊ ጾታ ኣብ ልዕሊ ደቂ ኣንስትዮን ህጻናናትን፣ ከምኡውን ቀቢላዊ ዓመጻ ዕጡቓት ጕጅለታት ኣብ ልዕሊ ሰላማውያን ሰባት ብዛዕባ ዝፍጽምዎ ዝለዉ ኢሰብኣዊ ተግባራት፣ ብዛዕባ ብሓይሊን ዓመጻን ምምዝባልን ዘረፋን ከምኡ ውን ብዛዕባ እቲ ምሉእ ብምሉእ ናይ ዕቝባ ኣገልግሎት ከም ዘይተረኽበን ዚገልጽ ደቂቕ ጸብጻባት ኣቕሪቡ ኣሎ።

ኵሉ ናይ መንጐይና ጻዕርታትን ሽምግልናን ነቲ ውግእ ደው ኬብሎ ኣይተኻእለን ዘሎ ።