Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Кардынал Освальд Грасіяс Кардынал Освальд Грасіяс  

Кардынал Грасіяс: Сінод ідзе ў напрамку інклюзіўнага Касцёла

Быць інклюзіўным і прымаць усіх не азначае змяніць тое, чаму вучыць Евангелле, - напісаў кардынал Освальд Грасіяс у каментары да нядаўна апублікаванага Рабочага дакумента другой сесіі Сінода па сінадальнасці.

Аляксандр Амяльчэня - Vatican News

80-гадовы арцыбіскуп Мумбайскі, які ўваходзіць у склад Рады кардыналаў па дапамозе Папу ў кіраванні Касцёлам, звярнуў увагу на тое, што значная частка Дакумента тычыцца ролі жанчын, і гэтае пытанне будзе шырока абмяркоўвацца падчас Сінода.

“Зразумела, што жанчынам трэба адвесці іх належную ролю, у гэтым няма ніякіх сумневаў. Мы абмяркуем, як яны могуць адыгрываць большую ролю ў Касцёле, асабліва ў працэсе прыняцця рашэнняў”, - заявіў іерарх. Ён дадаў пры гэтым, што Касцёл паўсюдны, а сітуацыя ў Індыі, Афрыцы і Еўропе розная. Таму трэба ўлічваць адчувальнасць і душпастырскую спецыфіку.

Кардынал Грасіас адзначыў, што сінадальны шлях – гэта інклюзіўны Касцёл, здольны прыняць усіх. “Асаблівую заклапочанасць Папы выклікаюць людзі з абмежаванымі магчымасцямі, адчужаныя грамадствам, асобы з адрознай сексуальнай арыентацыяй. Мы не адмаўляемся ад іх як ад людзей. Небяспека ў тым, што калі мы зробім заяву, некаторыя могуць вытлумачыць яе так, быццам Касцёл мяняе сваю маральную пазіцыю толькі для таго, каб быць прынятым іншымі. Гэта не так. Касцёл паслядоўны – Евангелле вельмі ясна паказвае, чаго хоча наш Пан. А Папа – гэта чалавек глыбокай веры і малітвы, які вядзе Касцёл у жаданым Панам і Духам Святым кірунку”, - адзначыў кардынал.

Ён патлумачыў, што Рабочы дакумент Сінода – гэта не заява на ўзроўні Настаўніцтва Касцёла, а “правакацыя да роздуму”. Тэмы, уключаныя ў яго, будуць абмяркоўвацца на працягу чатырох тыдняў восені. “Мы прадставім Святому Айцу высновы кожнага: разважанні біскупаў, але таксама свецкіх, манахаў, святароў... Толькі пасля гэтага Папа са сваімі дарадцамі і кансультантамі зробіць свае высновы”, - сказаў іерарх.

На яго думку, Сінод, які “праходзіць вельмі добра”, непасрэдны звязаны з Юбілейным 2025 годам. “Святы Год павінен служыць таму, каб даваць людзям надзею, дзякаваць Богу і планаваць будучыню. Сінод таксама прапануе людзям надзею, план на будучыню і падзяку Богу за ўсё атрыманае дабро”, - напісаў кардынал Грасіяс у сваім каментары да нядаўна апублікаванага Рабочага дакумента другой сесіі Сінода па сінадальнасці.
 

16 ліпеня 2024, 10:47
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031