Стан здароўя Святога Айца застаецца крытычным
Аляксандр Панчанка - Vatican News
Папа атрымаў дзве дозы канцэнтраваных эрытрацытаў, што прынесла карысць і павысіла ўзровень гемаглабіну. Трамбацытапенія застаецца стабільнай, аднак некаторыя аналізы крыві паказваюць пачатковую лёгкую нырачную недастатковасць, якая на дадзены момант знаходзіцца пад кантролем, - гаворыцца ў паведамленні.
Працягваецца кіслародная тэрапія з высокім патокам праз назальныя катэтары. Святы Айцец застаецца ў прытомнасці і добра арыентуецца. У сувязі са складанасцю клінічнай карціны і неабходнасцю чакаць, пакуль лекавая тэрапія пачне дзейнічаць, прагноз застаецца няпэўным.
Зала Друку таксама паведаміла, што раніцай у палаце, абсталяванай на 10-м паверсе, Францішак прыняў удзел у святой Імшы разам з тымі, хто ў гэтыя дні шпіталізацыі клапоціцца пра яго.
