Московскиот надбискуп Пеци: Нападот е страшен, но „ве молам не очајувајте“

Денес нашите срца се исполнети со ужас и болка, но нема да дозволиме да заборавиме дека нашиот живот и животот на сите луѓе се во Божји раце. Апелот на московскиот надбискуп Паоло Пеци е содржан во пораката што ја испрати по нападот врз Градската концертна сала Крокус во Москва, за кој одговорноста ја презеде ИСИС.

Надеж во овие мрачни времиња

Надбискупот Пеци го нарече атентатот „брутален терористички напад“, но одлучи да не се обраќа на општи соговорници, туку гледајќи во очи на оние кои ќе ги прочитаат неговите лични и директни зборови: „Не очајувајте и бидете Христово присуство полно со љубов таму каде што сте се; бидете сведоци на надежта во овие мрачни времиња“.

„Одговор полн со љубов“

Во својата порака, надбискупот изразува солидарност со роднините на жртвите од таа страшна трагедија, ги охрабрува спасувачите и потсетува на претстојниот почеток на Страсната седмица во која Католичката црква ќе влезе оваа недела, истакна тој. Ова не потсетува – додаде тој – дека смртта не е последниот збор, дека Христос ја победува смртта. Но и пред тоа, Тој ја споделува со нас сета длабочина на нашето страдање, „човек на болка и познавач на болката“, не нè ослободува од страдањата, туку со нас поминува низ нив. Божјиот одговор на човечкото страдање е присуство полно со љубов - истакна надбискупот Пеци.