Папата. Бидете Божји експерти за молитва и милосрдие

Без духовен живот и без молитва и покајание, не може да се изврши вистинско добро дело, велеше Свети Анибал ди Франција. Папата Фрањо ги потсети учесниците на состаноците организирани од Конгрегацијата на Срцето Исусово и сестрите на Ќерките на божествената ревност, кој ги прими во понеделник 18 септември 2023 година во Апостолската палата. На членовите на тие две конгрегации основани од споменатиот свештеник од Месина, кој од своите духовни чеда побарал и четврт завет: Молитва за звања, Папата ја истакна важноста на молитвата, водилка што се провлекувала низ животот на свети Анибал.

Негувајте секојдневна молитва

Токму молитвата ги вдахновија одлуките на тој светител – истакна Папата и ги поттикна сите да имаат секојдневен разговор со Бога. Без молитва човек не може да застане на нозе и не знае каде да оди.

Затоа, важно е секој ден да имате подолг разговор со Господ, а потоа и да се упати молитва до Него пред секој важен момент, секоја средба, секоја одлука.

Божји експерти

Светиот Отец го истакна примерот на нивниот основач кој бил вдахновен од Исусовиот повик да се моли на Бога да испрати работници во неговата жетва и гледајќи ја реалноста на своето време, сфатил дека прво треба да се моли; се разбира, не за да го убеди Бога да испрати пастири, како да не се грижи за својот народ, туку да дозволат уште повеќе да бидат опфатени од силата на неговата љубов: молејќи да научат да бидат чувствителни за потребите на нивните деца.

Токму од молитвата, која ги поттикнала сите негови апостолски и каритативни активности – забележа Римскиот епископ - Ќерките на божествената ревност, а потоа и монасите на Срцето Исусово, кои Павле VI. ги поттикна да бидат Божји стручњаци, кои се молат за највозвишеното и најубавото послание, да добијат и да подготвуваат звања за Царството Христово. Папата Фрањо го повтори тој апел.

Бидете Божји стручњаци, не толку како проучувачи на техники, статистики и теории, иако и тие можат да бидат корисни, туку со онаа мудрост која се стекнува најпрво со рани на колената, а потоа на рацете. Односно, бидете експерти во уметноста на молитвата и милосрдието: раце склопени пред Бога и раце подадени кон браќата. Склопени и испружени раце: така стануваме Божји специјалисти! Тоа е вашето послание!

Потребни се веродостојни сведоци

На крајот, папата Фрањо ги спомна бројните млади луѓе кои Бог ги повикува, на кои денес им требаат сведоци и веродостојни водичи за да им ја покажат убавината на животот потрошен за љубов и да им помогнат да кажат „да“. Последниот поттик на Папата до конгрегациите основани од Свети Анибал ди Франција беше да продолжат да молат за звања.