На крајот на светот меѓу младите народи и живите Цркви; Папата Фрањо во Азија и Океанија

Дијалог и хармоничен соживот меѓу религиите, социјално помирување, климатските промени и нивните разорни ефекти во земјите на океаните и вулканите, рамнотежа помеѓу економската и технолошката динамика и човечкиот, социјалниот и духовниот развој на народите. Потоа, евангелизација, стара и модерна, во географските широчини каде што живеат христијанските заедници речиси во услови на првобитната Црква, прифаќајќи бегалци, поттикнувајќи ги младите да учествуваат во политичките и општествените процеси. Скоро дванаесетте години од понтификатот на Хорхе Марио Бергољо и клучните теми изгледа дека се збиени и искристализирани во дванаесетте дена од патувањето на Папата од 2 до 13 септември, при што тој ќе ги посети Индонезија, Папуа Нова Гвинеја, Источен Тимор и Сингапур.

Најдолгото патување на понтификатот

Ова ќе биде најдолгото патување за време на понтификатот на папата Фрањо со четири различни временски зони и 32.814 километри што ќе ги помине со авион, но не е најдолго во папската историја. Досега најдолго е 13-дневното патување на Иван Павле II. во 1986 година во Бангладеш, Сингапур, Фиџи, Нов Зеланд и Австралија со поминати 48.974 км. Патувањето на папата Фрањо веќе беше планирано за 2020 година, пред пандемијата „Ковид-19“ да наметне промена во секој план, а сега тоа ќе се случи точно една година по последните меѓународни патувања во Монголија и Марсеј и на почетокот на периодот на големи настани како што се вториот дел од Синодата за синодалност и Јубилејот.

По стапките на Павле VI. и Иван Павле II.

На 30 август 2024 година, директорот на Канцеларијата за печат на Светиот Престол, Матео Бруни, на меѓународните медиуми им ги презентираше деталите за ходочестието на папата Фрањо до крајот на светот, по стапките на неговите претходници, Павле VI. и Иван Павле II, кој ги посетиле овие простори помеѓу раните 1970-ти и доцните 1980-ти. Тоа биле патувања полни со средби во кои Црквата го менувала својот лик - се сеќава Бруни - многу млади луѓе, многу време поминато со свештенството, во периоди кога државите и демократиите се развивале меѓу урнатините на војните и инвазиите

Мирот како предизвик

Папата Фрањо доаѓа во историски момент обележан со други предизвици, почнувајќи од универзалниот предизвик за мир; затоа ќе го повтори апелот за поттикнување мир и за поддршка на тековните напори за негово постигнување. Во оваа смисла, два моменти во Џакарта, главниот град на Индонезија, кој исто така во блиското минато беше погоден од феномените на верски тероризам и обид да се создаде транснационален ислам по моделот на ИСИС, кој сепак, индонезиската Панкасила, со петте столба за почитување на верата, културата, религијата и јазикот, кои се вклучени и во Уставот, успеа да ги отфрли. Првиот момент е посетата на џамијата Истикалал, најголемото исламско место за богослужба во Југоисточна Азија, која е дизајнирана од христијански архитект во 1950-тите, а од 2019 година е поврзана со катедралата Вознесение со т.н. „тунел за пријателство“. Токму овој тунел, кој сака да биде знак на охрабрување за братството на двете верски заедници, ќе го посети Папата - а потоа следува вториот - заедно со големиот имам, со кој ќе го потпише Заедничката декларација по стапки на документот за човечко братство од Абу Даби.

Охрабрување и утеха

Покрај Индонезија, која се карактеризира со плурализам, Папата ќе донесе зборови на утеха или охрабрување на Папуа Нова Гвинеја, неодамна погодена од лизгање на земјиштето и драматични племенски конфликти; потоа во поранешната португалска колонија, Источен Тимор, сè уште обележана со војна за независност од Индонезија, која во 22 години доведе до смрт на приближно една четвртина од населението; и конечно до Сингапур, симбол на раскош, трговија и технолошки развој, но и на длабоки социјални нееднаквости и сиромаштво.

Здравствени мерки

На крајот од прес-конференцијата, ватиканскиот портпарол одговори на неколку прашања за здравјето на Папата и напорите што ги има ова долго патување, меѓу временските промени и влажноста која ќе достигне и до 92%. Нема дополнителни грижи; здравствените протоколи, како и на секое апостолско патување, се сметаат за задоволителни - рече директорот на Канцеларијата за печат на Светиот Пресол, објаснувајќи дека за здравјето на Папата покрај личниот здравствен асистент Масимилијано Страпети, ќе се грижат и еден лекар и двајца медицински техничари. Што се однесува до придружбата на Папата, на вообичаениот тим ќе му се придружат кардиналот Луис Антонио Тагле и други кардинали и надбискупи од различните места кои Папата постепено ќе ги посетува.