Папскиот милостинар ја надгледува новата пратка на храна и лекови за Украина

И во текот на летото, продолжуваат добротворните напори на Папата за Украина, земја, која ја опиша како „маченичка“.

Како и претходните месеци, камионите тргнаа во среда, на 7 август 2024 година, од украинската базилика Света Софија во Рим.

Помошта се состои од основни материјали, како што се храна, облека и лекови, за погоденото население во Украина. Пратката вклучува кутии со туна, конзервирана храна.

Кардиналот Конрад Крајевски, префектот на Дикастеријата за служење на милосрдието, познат како Папски милостинар, ја надгледува пратката и дистрибуцијата во Украина.

Ова дело на милосрдие ја потврдува солидарноста на Папата со Украина, земја за која на Генералната аудиенција во среда исто така побара да се моли и да се даде поддршка од сите верници.