തെലങ്കാനയിലെ കമ്മാം രൂപതാദ്ധ്യക്ഷൻ പ്രായാധിക്യത്താൽ സ്ഥാനമൊഴിയുന്നു!

ജോയി കരിവേലി, വത്തിക്കാൻ സിറ്റി

തെലെങ്കാന സംസ്ഥാനത്തിലെ കമ്മാം (Khammam) രൂപതയുടെ മെത്രാൻ പോൾ മയിപാൻ, കാനൻ നിയമം അനുശാസിക്കുന്ന പ്രായപരിധി കഴിഞ്ഞതിനെ തുടർന്ന് സമർപ്പിച്ച രാജി ഫ്രാൻസീസ് പാപ്പാ ശനിയാഴ്‌ച (27/08/22) സ്വീകരിച്ചു.

ഇപ്പോൾ 78 വയസ്സു പ്രായമുള്ള അദ്ദേഹം 1997 ഏപ്രിൽ 21-നാണ് പ്രസ്തുത രൂപതയുടെ മെത്രാനായി നാമനിർദ്ദേശം ചെയ്യപ്പെട്ടത്.

1944 ഫെബ്രുവരി 14-ന് ജനിച്ച ബിഷപ്പ് പോൾ മയിപാൻ 1971- ജനുവരി 9-ന് പൗരോഹിത്യം സ്വീകരിക്കുകയും 1997 ആഗസ്റ്റ് 22-ന് മെത്രാനായി അഭിഷിക്തനാകുകയും ചെയ്തു.