Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
LAVDET NË LATINISHT
Programe Podcast

Vritet Haniyeh, lideri politik i Hamasit në Iran. Nga Izraeli, rezervë zyrtare

Sipas një lajmi komunikuar nga Hamasi, thuhet se lideri i grupit islamik, Ismail Haniyeh u vra nga një sulm ajror në Teheran, që mendohet se ishte i Izraelit, i cili deri tani nuk e ka pranuar përgjegjësinë për sulmin. I ashpër, dënimi i presidentit palestinez Abu Mazen, që e quan ngjarjen: "Akt burracakësh e zhvillim i rrezikshëm". Iranianët flasin për hakmarrje!

R.SH. / Vatikan

Thuhet se ishte sulm izraelit, ai që e goditi shtëpinë në Teheran, ku strehohej lideri politik i Hamasit, Ismail Haniyeh, i cili kishte mbërritur në Iran për të marrë pjesë në ceremoninë e fillimit të detyrës së Presidentit iranian Massoud Pezeshkian - sipas një deklarate të grupit islamik palestinez. Thuhet se me të duhet të jetë vrarë edhe një nga shoqëruesit e truprojës. Varrimi është caktuar për nesër, 1 gusht, në kryeqytetin iranian.

Heshtja e Izraelit

Heshtje zyrtare dhe asnjë marrje përgjegjësie tani për tani nga ana e Izraelit - sipas deklaratave të Radios Ushtarake izraelite. Ndërsa reagimi nga Hamasi ishte i menjëhershëm. Për Hamasin "vrasja e Haniyeh është shkallëzim serioz, por që nuk do t’i arrijë objektivat" e krahut ushtarak, i cili tashmë ka kërcënuar "pasoja të mëdha". I ashpër, dënimi  i presidentit Abu Mazen, që e quajti vrasjen "akt frikacak e zhvillim i rrezikshëm", dhe i bëri thirrje "popullit palestinez për unitet, durim e qëndrueshmëri përballë pushtimit izraelit".

Reagimet

Vrasja e liderit të Hamasit vijon të ngjallë komente dhe qëndrime në frontin ndërkombëtar. Irani shpalli tri ditë zije kombëtare, ndërsa udhëheqësi suprem i vendit zotohet për hakmarrje. Ajatollah Ali Khamenei kujtoi se Izraeli “përgatiti një dënim të ashpër për vetveten”. I fortë, edhe dënimi i Turqisë për atë që Ankaraja e quan "vrasje të turpshme", “ që synon ta shtrijë luftën e Gazës në një përmasë rajonale". Rusia denoncoi "vrasjen e papranueshme politike, që do të çojë në shkallëzim të mëtejshëm të tensioneve". Edhe rebelët jemenas Houthifolën për vrasjen e liderit të Hamasit. Sipas tyre "vënia në shënjestër e Ismail Haniyeh është krim mizor terrorist dhe shkelje flagrante e ligjeve dhe vlerave ideale". Ndërkohë politika e Izraelit nuk do të ketë asnjë ndryshim në terren për sa i përket strategjisë së tij të mbrojtjes së brendshme. Këtë e bëri të ditur zëdhënësi i ushtrisë izraelite, Daniel Hagari, i cili foli për “vlerësimin e situatës” nga komanda ushtarake.

31 korrik 2024, 12:55
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031