Papa: një dokument kushtuar Zemrës së Krishtit, për një botë që duket pa zemër

R.SH. / Vatikan

“T’i ripropozohet gjithë Kishës ky kult plot bukuri shpirtërore, në një botë që duket se e ka humbur zemrën”. Me këtë synim, në fund të audiencës së përgjithshme, gjatë përshëndetjeve të besimtarëve italishtfolës, Papa dha lajmin për dokumentin e tij kushtuar Zemrës së Krishtit, që do të publikohet shtatorin e ardhshëm:

 “Më 27 dhjetorin e vitit të kaluar u kremtua 350-vjetori i dukjes së parë të Zemrës së Krishtit. Me atë rast pati nisur një periudhë festimesh e cila do të përfundojë më 27 qershor të vitit të ardhshëm - kujtoi Françesku - “Prandaj gëzohem që do të përgatis një dokument, i cili do të përmledhë reflektimet e çmuara të teksteve magjistrale të mëparshme dhe të një historie të gjatë, që nis nga Shkrimet Shenjte, për t'ia propozuar gjithë Kishës sot këtë kult plot bukuri shpirtërore":

"Besoj se do të na bëjë shumë mirë t’i meditojmë aspektet e ndryshme të dashurisë së Zotit, që mund të ndriçojnë rrugën e risimit kishtar, por që na rikujtojnë edhe diçka domethënëse për një botë, e cila duket se e ka humbur zemrën" argumentoi Papa:

“Ju kërkoj të më shoqëroni me lutje në këtë kohë përgatitjeje, me synimin që ky dokument të bëhet publik shtatorin e ardhshëm”.