Папата Фрањо: Разоружувањето е морална должност

Откако во своето пладневно обраќање силно истакна дека е доста од војната што полека ја уништува Газа - поврзувајќи ја со конфликтот на Блискиот Исток, како и секогаш, со трагедијата во измачената Украина, „каде што многу луѓе умираат секој ден“ и каде „има толку многу болка“ - папата Фрањо го искористи одбележувањето на 5 март, Меѓународниот ден за зајакнување на свеста за разоружување и забраната за ширење на оружјето, за одлучно да го потврди своето „не“ без исклучок во трката за арсенали.

Колку средства се фрлаат за воени расходи, кои, за жал, и понатаму се зголемуваат поради актуелната состојба! Искрено се надевам дека меѓународната заедница сфаќа дека разоружувањето е пред сè должност: разоружувањето е морална должност. Да се потсетиме на тоа.

Рамнотежа на доверба

Папата Фрањо, исто така, апелираше до срцата на луѓето, истакнувајќи на која вредност треба да се фокусира нашата планета ако има намера повторно да ја открие сигурноста заснована на хармонија, а не на кревка сигурност контролирана со оружје.

За ова е потребна храброст од страна на сите членови на големото семејство на народи да преминат од рамнотежа на страв во рамнотежа на доверба.

Меѓу поздравите упатени до различните групи присутни на плоштадот Свети Петар, Папата посебно ги поздрави младите Украинци кои беа поканети од Заедницата Свети Егидиј на средба на тема „Надминете го злото со добро“. Молитва, сиромашни, мир“. Драги млади, ви благодариме за вашето ангажирање за оние кои најмногу страдаат поради војната – рече на крајот папата Фрањо.