Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Prelude
Programe Podcast

Papa në festën e Shenjtorëve Pjetër e Pal: t’i ndihmojmë të gjithë të gjejnë rrugën e Zotit

Papa: ''Misioni që Jezusi i beson Pjetrit nuk është të bllokojë dyert e shtëpisë, duke lejuar hyrjen vetëm për pak a disa mysafirë të përzgjedhur, por t'i ndihmojë të gjithë të gjejnë rrugën e hyrjes, në besnikëri ndaj Ungjillit të Jezusit, të gjithë, të gjithë mund të hyjnë në Mbretërinë e Zotit''. Kështu tha Papa gjatë lutjes së Engjëllit të Zotit, sot në mesditë në sheshin e Shën Pjetrit.

R.SH. / Vatikan

Pas Meshës solemne, kremtuar në Baizilikën e Shën Pjetrit, në mesditë, në Sheshin e Vatikanit, Papa kremtoi lutjen e Engjëllit të Tënzot, duke lëvduar Zotin për predikimin dhe dëshminë e Apostujve Pjetër e Pal, që kremtohen sot, dy shtylla, mbi të cilat ngrihet ndërtesa e dukshme e Kishës.             

Në Ungjillin, e festës së Apostujve të Shenjtë Pjetër dhe Pal, nga Mateu, Jezusi i thotë Simonit, që njihej me emrin Pjetër: “Ty do do t'i jap çelësat e Mbretërisë së qiejve" (Mt 16:19). Kjo është arsyeja pse ne e shohim shpesh Shën Pjetrin me dy çelësa të mëdhenj në dorë, si në shtatoren që gjindet këtu, në këtë shesh. Këta çelësa përfaqësojnë shërbimin e autoritetit, që Jezusi ia besoi atij në ndihmë të mbarë Kishës.

Megjithatë, duhet të jemi të kujdesshëm që ta kuptojmë mirë domethënien e gjithë kësaj. Çelësat e Pjetrit janë çelësat e një Mbretërie, të cilën Jezusi nuk e përshkruan si kasafortë e as si dhomë të blinduar, por me figura të tjera: si farë e vogël, margaritar i çmuar, thesar i fshehur, një grusht maja (shih Mt 13.1-33), domethënë, si diçka e çmuar, si pasuri, po, por në të njëjtën kohë, e vogël dhe e padukshme. Për ta arritur, pra, nuk duhet të aktivizohen mekanizmat e sigurisë dhe bravat, por të kultivohen virtyte si durimi, vëmendja, këmbëngulja dhe përvujtëria:

“Pra, misioni që Jezusi ia beson Pjetrit, nuk është të mbyllë dyert e shtëpisë, duke e lejuar hyrjen vetëm për disa të ftuar të përzgjedhur, por t’i ndihmojë të gjithë të gjejnë rrugën e hyrjes, me besnikëri ndaj Ungjillit të Krishtit”.

E Pjetri do ta bëjë këtë gjatë gjithë jetës së tij, besnikërisht, deri në martirizim, pasi të ketë jetuar fillimisht, jo pa vështirësi e edhe me shumë rrëzime, gëzimin dhe lirinë që lindin nga takimi me Zotin. Atij, të parit, për t'i hapur derën Jezusit, iu desh të pendohej,  gjë aspak e lehtë:

“Të mendojmë: vetëm pak pasi i tha Jezusit: ‘Ti je Krishti’, Mësuesit iu desh ta qortonte sepse refuzoi ta pranonte profecinë e mundimit dhe të vdekjes së tij në kryq (shih Mt 16,21-23)”.

Pjetri i mori çelësat e Mbretërisë së Hyjit jo sepse ishte i përsosur, por sepse ishte i përulur dhe i ndershëm dhe Ati i kishte dhuruar një fe të sinqertë (shih Mt 16,17). Prandaj, duke i besuar mëshirës së Zotit, ai ishte në gjendje, siç i qe kërkuar, t'i mbështeste dhe t’i përforconte vëllezërit e tij (shih Luka 22,32).

Ta pyesim veten…

Ta pyesim veten atëherë - kujtoi si zakonisht në përfundim Papa - “A e kultivoj dëshirën për të hyrë, me hirin e Zotit, në Mbretërinë e tij dhe për të qenë, me ndihmën e tij, kujdestar mikpritës edhe për të tjerët? E për ta bërë këtë, a e lë veten të "lëmohem", të zbutem, të formohem nga Jezusi dhe Shpirti i tij, që jeton në mua?”.

Pyetje që presin gjegje! Jo të lehta a të paramenduara, por të vështira, e që na kërkojnë ta mbështesim njëri-tjetrin:

“Maria, Mbretëresha e Apostujve dhe shenjtorët Pjetër e Pal, na ndihmofshin me lutjen e tyre të jemi udhërrëfyes dhe mbështetje për njëri-tjetrin në takimin me Krishtin”.

29 qershor 2024, 12:32

Engjëlli i Tënzot/Mbretëresha Qiellore e fundit

Lexo gjithçka >
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031